Gaztarri: Juan Gorritiren erakusketa irekia

Irekiera pasa den larunbatean (ekainak 8) ospatu zen eta ekainak 23 arte egongo da bisitatzeko moduan. Tokia irekia da eta edozein ordutan bisitatu daiteke, baina egun eta ordu jakinetan kultur ekintza batzuk egingo dira, hainbat artistek lagunduko bait dute Juan Gorriti erakusketa honetan:

Ekitaldi programa

• Ekainaren 8an 18:00etan: Jon Maya - Peru Magdalena eta Gotzon Garaizabal (2d1) - Jon Martin
• Ekainaren 9an 12:00etan: Sustrai Colina - Uxue Alberdi
• Ekainaren 9an 18:00etan: Josetxo Silguero
• Ekainaren 12an 11:00etan: Pirritx, Porrotx eta Marimotots + Txapas
• Ekainaren 15ean 18:00etan: Mikel Markez eta Esti Markez
• Ekainaren 16an 12:00etan: Miren Amuriza, Alaia Martin eta Julio Soto
• Ekainaren 22an 12:00etan: Gema Ines eta Lara Mitxelena - Maddalen Arzallus - Amets Arzallus
• Ekainaren 23an 12:00etan: Bertsolariak
• Ekainaren 23an 18:00etan: Mikel Markez eta Esti Markez  -  Peru Magdalena eta Gotzon Garaizabal (2d1)

Erakusketa

Egurrezko 200 pieza inguruk bi harrespila edo cromlech osatzen dituzte, Malloak eta inguruko herrien ikuspegi zoragarria dituen natur ingurunean. Inguruan Gorritiren beste obra batzuk ere ezarrita daude. Gorriti beraren hitzetan euria egiten badu bustiko dira eta inor ez bada gerturatzen ere ez du axola, bertako azeri, basurde eta hegaztiek ere gozatu ahal izango dutelako.

Nola iritsi

Azkueko zelai hau Gaintza herritik oso gertu dago, (Tolosa eta Lekunberri arteko inguru horretan). Gaintza herrira bidean hasi eta Gorriti berak egindako seinaleak aurkituko dituzue bertara iritsi ahal izateko. Erakusketaren izena den GAZTARRI ikusiko duzue seinaleetan. Hauxe da bertaratzeko GoogleMaps lotura: Azkue - Gaztarri erakusketa (Dena den, ez dago errepide asfaltaturik bertaraino eta egin kasu seinaleei)