Teknologia albisteak

CAF-Elhuyar sarien 25. edizioko irabazleak

2019-05-18 : 10:57

Asteazkenean banatu ziren CAF-Elhuyar sariak. Zientziaren eta teknologiaren arloko gaien eta ikerketen euskarazko dibulgazioa, kazetaritza, eta gizarteratzea bultzatzea, saritzea eta aitortzea dute helburu. Aurtengoa 25. edizioa izan da eta 70 lan jaso dituzte. Aurtengo saridunak:

Dibulgazio-artikulu orokorraren saria: "Dysonen esferen bila" artikuluarekin Iñigo González de Arrieta Martínez eta Iker González Cubiella.
Dibulgazio-artikulu orokorraren aipamen berezia: "Zelulak online daude" artikuluarekin Maider Beitia San Vicente eta Itziar Urizar Arenaza.
Neiker Sari Berezia: "Esnea ekoizteko, bertako ala kanpoko proteina erabili?" lanarengatik Izaro Zubiria Ibarguren.
Zientzia-kazetaritzaren arloko saria: Iñaki Sanz-Azkue "Hegaztiak, erleak, zomorroak... Sagastien zaindari txikiak" lanarekin.
Zientzia eta gizartearen arteko zubi-lanak egiteko proiektuen saria: “Fossil Plastics” proiektuarekin Martin Etxauri Sainz de Murieta.
Elhuyarren Merezimendu Saria Jesus Mari Txurruka Argarateri eman diote.