Teknologia albisteak

EiTBk joko eta apustuen publizitatea debekatzea onartu du

Sustatu

2019-05-03 : 09:25

EiTBko Administrazio Kontseiluak ontzat eman du Zuzendaritzak zenbait joko-jardun sustatzea helburu duten publizitate-emisioen arauak aldatzeko proposamena. Aurrerantzean, EiTBk ez du onartuko bere hedabideetan (irratian, telebistan eta Interneten) jokoarekin erlazionatutako inolako publizitate edo promozio ekintzarik, ezta marka edo ekitaldien publizitate korporatiboa ere, baldin eta hura gauzatzen duten enpresen jarduera nagusia jokoa baldin bada.

EiTBko Administrazio Kontseiluak jokoaren eta apustuen inguruko publizitatea debekatzea onartu du

"EiTBren aburuz, 2012ko uztailaren 17ko Administrazio Kontseiluak araututakoa egokitzea beharrezkoa da. Helburua da jokoak eta apustuek sor ditzaketen adikzio arazo larrietatik pertsona ahulenak babestea. Hartara, eta salbuespen jakin batzuekin, jokoarekin zerikusia duten publizitate eta promozio jardunak eta emisioak debekatu nahi ditugu", azaldu du Maite Iturbe EiTBko zuzendari nagusiak.

Leer más: https://www.europapress.es/euskera/noticia-eitbko-administrazio-kontseiluak-jokoaren-eta-apustuen-inguruko-publizitatea-debekatzea-onartu-du-20190502105011.html

(c) 2019 Europa Press. Está expresamente prohibida la redistribución y la redifusión de este contenido sin su previo y expreso consentimiento.

"EiTBren aburuz, 2012ko uztailaren 17ko Administrazio Kontseiluak araututakoa egokitzea beharrezkoa da. Helburua da jokoak eta apustuek sor ditzaketen adikzio arazo larrietatik pertsona ahulenak babestea. Hartara, eta salbuespen jakin batzuekin, jokoarekin zerikusia duten publizitate eta promozio jardunak eta emisioak debekatu nahi ditugu", azaldu du Maite Iturbe EiTBko zuzendari nagusiak.

Hauek dira Iturbek aipatzen dituen bi salbuespenak:

Batetik, Estatuko Administrazioaren eta Organzación de Ciegos Españoles (ONCE) erakundearen eskumenekoak diren loteria eta apustuak.
Besteko, publizitate estatiko eta promozio guztiak, baldin eta eskubideak eskuratzeko zein hedatze seinalea ekoizteko ezinbestekoak badira.

Halaber, ETBk emititutako euskal pilota partidetan jasotako publizitate estatikoaren kasuan, EiTBk entitate eskudunekin negoziatu beharko du, jokoarekin zerikusia duen publizitate estatikoa murriztu edo ezabatzeko helburuarekin.

Hemen albistea EITBren beraren webgunean.