"Bertsolamintza" jardunaldiak antolatu ditu Mintzolak 5. aldiz, bertsogintzari hainbat ertzetatik begiratzeko eta horren inguruan solasteko. Maiatzaren 2an Iruñean, maiatzaren 16an Senperen, maiatzaren 22an Bilbon, maiatzaren 23an Gasteizen, eta ekainaren 1ean Amasa-Villabonan izango dira saioak.
Lehenbiziko saioa, ostegun honetan Iruñeko Zaldiko Maldiko elkartean, 18:30ean, Sustrai Colina eta Amaia Agirrerekin. "Politikoki zuzena denaren eta transgresioaren arteko talka" jorratuko du batak, eta "Saio-formatuen inertziak" besteak.
Sarrera doakoa da, baina izena ematea ezinbestekoa. Iruñekoaren ostetik, maiatzaren 16an Senperen, maiatzaren 22an Bilbon, maiatzaren 23an Gasteizen eta ekainaren 1ean Amasa-Villabonan antolatu ditu jardunaldiak Mintzola Ahozko Lantegiak.
Hauek izango dira jardunaldietako hizpideak:
- Zeri kantatzen diogu eta zeri kantatu nahiko genioke? Zein da gaur egungo errealitatea? Amets Arzallus
- Feminismoa eta bertsogintza, gai-jartzailearen talaiatik. Maite Berriozabal
- Politikoki zuzena denaren eta transgresioaren arteko talka. Sustrai Colina
- Hizkuntza ideologiak bertsolaritzan. Miren Artetxe
- Saio-formatuen inertziak. Amaia Agirre
- Bertsolari gazteek zer berri? Eli Pagola eta Asier Galarza [Bilboko saioan Joanes Illarregi, Maider Arregi eta Jokin Bergara]
- Nola sortzen da bertsogintzari buruzko iritzi publikoa? Xabier Aierdi