SpaceX espazio-untzien lehenengo misio komertziala arrakastaz burutu dute

SpaceX enpresaren Falcon Heavy espazio-untziek euren lehenengo misio komertziala burutu dute asteburuan, baita arrakastaz burutu ere. Joan zen ostiral goizean espazioratu zen Falcon Heavy-a eta Saudi Arabiako Arabsat-6A satelitea jarri zuen orbitan. Gainera, bere 3 propultsoreak berreskuratzea ere lortu zuen, hurrengo misioan berrerabili ahalko dituztenak. Bi propultsore Cañaveral lurmuturrera itzuli ziren; hirugarrena (erdikoa) Atlantikoan ezarritako plataforma batera. Misio osoa eman zuten Youtube bidez.