11-16 urte bitarteko hamabi mutil nerabeko talde bat dira, eta beraien begiralea (25 urtekoa). Hamar egun sartu zirela Thailandiako Tham Luang leizean, eta bertatik irten ezinda daude euriteak galeria asko urez estali dituelako. Atzo aurkitu zituzten sarreratik 4 kilometrora, baina handik ateratzea oso zaila izango da.
Txangoko hamabi mutilak eta begiralea Moo Pa (thaieraz, basurdea) futbol taldekoak dira, thailandiarrak denak, eta ekainaren 23an barneratu ziren leizera. Sartu ziren leizea Chiang Rai Parke Nazionalean dago, Birmaniako mugatik gertu. 10 kilometro luze diren galeriak dituen sistema bat da, eta arriskutsua da eurite sasoian bertan ibiltzea. Uztailetik azarora arriskuaz ohartarazten duen kartela omen dago sarreran.
Erreskate talde lokala berehala eratu zen, eta baita hurrengo egunetan handitu zen nazioarteko laguntzarekin, berebiziko zailtasuna duelako kasuak. Mila laguneko laguntza taldea dago honezkero leizearen inguruan.
Erreskate operazioaren aurrerapena oso zaila izan da, eta urpekarien bidez egin behar izan da, guztiz urpean zeuden uneak gaindituz, eta galeria lehorrak arakatuz bidean. Azkenean, sarreratik 4 kilometrora zegoen puntu batean aurkitu zituzten, galeria zabal batetik 400 metrora.
Aurkitu ondoren, espeleologia adituen arabera, lehentasunak izan behar dira:
Hortik aurrera, erreskatea asko luzatu daitekeela ohartarazi dute agintariek. Gazteak urpekaritzan trebatzea izan daiteke bideetako ba, baina aipatu da halaber mendiaren zulaketa operazioak egin daitezkeela, Txileko 2010eko meatzarien erreskate operazioan bezala.
Txileko kasu hartan, meategi bateko istripua izandakoan 33 lagun geratu ziren lurpean. Thailandiako kasuan bezala, lehen egunetan ez zen kontakturik galdutakoekin, baina esperantza bazegoen babesleku batera iritsiko zirela.Orain Than Luang-en aurreikusten den operazioa ikusita, paralelismoak egin daitezke, baita desberdintasunak nabarmendu ere:
Erantzun
Sartu