Madlipz: ahotsa gain-grabatuz, bideo barregarriak

Klip katalogoa filmetako pasarteekin, ospetsuen albisteetako zatiekin eta Interneteko bideo barregarriekin osatzen da. Gasteizko IKA euskaltegiak lehiaketatxo bat egin zuen ikasleen artean joan den hilabetean, eta honela azaldu zuten funtzionamendua:

• Aplikazioa instalatuta duzula, ahotsa jartzeko film aukerak ikusi ahal izateko, pantailaren behealdean dagoe  ikurra sakatu. Pantailaren goiko menua ezker-eskuin mugituz, klip mota ezberdinak aukera daitezke (umorezkoak, erromantikoak, akziozkoak…) Bilatzailea ere badauka, eta pelikula famatu baten eszena bat edo aktore jakin bat bilatzen ahal duzu horrela. 
• Bideoa aukeratu. Ikusi aukeren artean zer bideo egokitzen den ondoen zure ideiara. Gidoia pentsatu eta egokitu. Aukeratutako bideoa hainbat aldiz ikusi, jakiteko pertsonaiek noiz eta nola hitz egiten duten, eta horrela egokitu zuen gidoia.
• Grabatzeko, telefonoaren pantailan borobil gorria sakatzea nahikoa da. Zenbait bideotan bi edo hiru pista grabatzeko aukera dago. Horrek esan nahi du ahots bat, bi edo hiru grabatu ahal direla banan-banan, eta azkenean denak geratzen direla azken muntaketan integraturik. Mikrofonoa erabiliz gero, hobea da emaitza.
• Ondo geratu arte, nahi beste aldiz errepikatu ahal da grabazioa. Emaitzarekin gustura geratzen zarenean, pantailaren goiko aldean, eskuinean, aplikazioaren ikurra sakatu grabatuta geratzeko.  Ondoren, galdetuko dizu ea pribatua (zuen erabilerarako bakarrik) ala publikoa (aplikazioan edonorentzat ikusgai) egin nahi duzun.
• Publikoa egitekotan “done” (eginda) sakatu ondoren, bideoa partekatzeko (share) aukera izango duzu sare sozial ezagunetan: Whatsapp, Twitter, Instagram…

Zeure bideoak ere igo ahal dituzu aplikaziora goiko menuan eskuineko muturrean dagoen  “import” aukera sakatuz eta, ondoren, zure telefonoko “galeriatik” hartuz. Baina gogoratu bideo laburrak izan behar dutela, 20 segundo ingurukoak.

Hona adibide barregarri bat, euskaraz (gaztelera apur batekin), MadLipz-i esker nahiko ospetsu bihurtu den mutiko txinatarrarekin.

Ez naz kantsaten bideo hau buklean ikusteaz pic.twitter.com/IYvye5gyiA

— sonia gonzález (@sonetska) 2018(e)ko ekainaren 15(a)

Sonia Gonzalezen txio horretan eta bere erantzunetan, beste pare bat Madlipz dituzue, itxura batean Bermeoko Kotxise delako batek eginak (uste dugunez). Eguneraketa (14:45): @KotxiseOst Iker Bengoetxea bermotarra ei da mutiko txinatarrari ahotsa jarri diona.

Ika Euskaltegiak egindako lehiaketan, euskara ikasleen lanak izan ziren lehian, eta hona irabazlea: