Californiako Gobernuak erabaki du eraikitzen diren etxe berri guztietan eguzki-panelak ezarri beharko direla
Californiak (AEB) jarraitzen du buru izaten energia berriztagarrien aldeko politiketan. Atzokoa izan zen azken urratsa. Californiako Energia Batzordeak aho batez onartu zuen 2020. urtetik aurrera erikiko diren etxe guztiek, derrigor, eguzki-panelak izan beharko dituztela. Batez beste, hipoteka 40 dolar garestituko dela aurreikusten dute, baina energiatan 80 dolar aurreztuko direla.
Aho batez hartu zuen erabakia atzo Californiako Energia Batzordeak. Lege berri honekin energia aurreztu nahi da eta aldaketa klimatikoari aurre egin nahi zaio. 2020. urtetik aurrera ezarriko da legedi berria eta, ordutik aurrera eraikitzen diren etxe guztietan eguzki-panelak ipini beharko dira.
Californiak urteak daramatza energia berriztagarrien aldeko politikak ezartzen. Azken urteotan 42 milioi dolar inbertitu ditu eguzki-energia bultzatzeko eta eguzki-panelak doan banatzen ditu diru-sarrera gutxiko familien artean. Californiako etxebizitzen %20ak dagoeneko eguzki-panelak ditu.
Neurri honen aurka egin dute errepublikarrek, etxebizitzen prezioak igo egingo direla esanez. Californiako Gobernuak eman dituen datuen arabera, ostera, hilero 40 euro aurreztuko lituzke familia bakoitzak, batez bete: hipoteka 40 euro igo daitezke, baina energia-kontsumoan 80 euro aurreztuko lituzke familia bakoitzak.
...................
Argazkia: Tentenuk.
Erantzun
Sartu