Donostiako Kontxan eski-lasterketa egin zeneko hura

Gaurko elurtea izugarria izan da Euskal Herri osoan. Azken urteotan gutxitan ikusi dugu horrelako elurterik, hain sendorik eta horren zabaldurik. Beharbada orain dela 33 urteko negukoa izango da euskaldunok gehien oroitzen dugun elurtea. Besteak beste, Kontxako hondartzan izandako lasterketarengatik. 1985eko urtarrilean izan zen, udaletxetik Haizearen orraziraino. 140 partaide izan ziren. Angel Ortizek irabazi zuen, Peio Ruiz Cabestany izan zen bigarrena eta Josu Iztueta hirugarrena. NoDo-aren ukitu zaharkitua aurkituko dugu irudi horiztatu hauetan! ;)