Nola garbitu zure Gmail kontua, megak ezabatu eta "tokia" egiteko
Gmailek 15 Giga ematen ditu doan. Nahikoa izan daitezke erabiltzaile batzuentzat, baina beste asko lekurik gabe gelditzen dira. Behin 15 Giga horiek betetzen zaizkizunean, bi aukera daude: toki gehiagogatik ordaindu Googleri, edo mezu zahar "potoloak" ezabatu. Hona hemen Gmailen tokia irabazteko modurik errazena.
Gmailek duen abantailetako bat da, ez daukazula zertan mezurik ezabatzen ibili behar. Postontzi erraldoia da, milaka eta milaka email gorde ditzakezu, zure historial osoa, eta gainera bilatzaile potentea dauka ez-dakit-noizko ez-dakit-zer mezu bilatu eta berreskuratzeko. Hala ere, Gmail kontua asko erabiltzen baduzu (eta gehienbat lanerako erabiltzen baduzu), litekeena da Gmailek doan eskaintzen dizun 15 Giga-ko espazio hori betetzea, eta lekurik gabe geratzea. Memoria extra erosi nahi ez baduzu, tokia egin beharko duzu postontzian. Horretarako, erabilgarriena da, mezu "potoloenak" aurkitzea, fitxategi erantsi astunak dituztenak, eta horiek ezabatzea.
Hona hemen horretarako modurik errazena.
- Bilaketa leihoan idatzi "
has:attachment larger:10M" eta egin Bilaketa. Oharra: "
10" horren lekuan beste edozein zenbaki ipini dezakezu; mezuen pisua adierazten du, megatan. - Aukeratu ezabatu nahi dituzun mezuak (banaka edo guzti-guztiak batera) eta klikatu Ezabatu
.
- Gmaileko ezkerreko menuan aukeratu Gehiago
Zaborrontzia.
- Goi-goian klikatu Hustu zaborrontzia / Empty Trash now.
Horrela, ziur izan leku mordoa garbituko duzula Gmaileko postontzian. Hori bai, adi ibili mezuak ezabatzeko orduan, betirako ezabatuko baitituzu!
Erantzun
Sartu