Ikastaroa: “Nafar Estatuaren Historia:VII-XVI. mendeak”

Orreagako gatazkatik eta 1512ko konkistara arte, Nafarroaren Historia subiraua ardatz hartuko du Euskokultur Fundazioak eta Nafarroa Bizirik ekimenak antolaturiko ikastaroak. Nafar Estatuaren Historia, VIII.-XVI. mendeak du izenburutzat, eta urriaren 1a eta abenduaren 19a bitartean ospatuko da Arrotxapea auzoko Euskokultur Mintegian. Gaztelerazko saioak astearteetan izanen dira eta euskarazkoak ostegunetan, 19:00etatik 21:00etara. Erderazkoetan Aitor Pescador izanen da irakasle, eta euskarazkoetan berriz Bixente Serrano.

Saioz saio, honakoak dira jorratuko diren gaiak: Urte ilunak (778-900), Iruñeko Erreinuaren lehen zabalpena (905-1000), Baskoniako bertze lurraldeak 1000 urtera arte, Antso III.a Nagusia eta haren oinordekoak (1004-1076), Iruñeko Erreinutik Nafarroako Erreinura (1076-1194), 1194-1212: Nafar Estatuaren krisia, Txikiagoturiko Nafarroa (1200-1400), Berreskuratzeke leudekeen lurraldeak (1200-1400), XV. mendeko konbultsioak, Nafar Estatua eta Europa (1494-1512), Urte erabakigarriak (1512-1530) eta Nafarroako konkista eztabaidan.

Matrikularen prezioa 50 euro da, eta izen-emateko aukera dago irailaren 24a arte. Xehetasun gehiago jasotzeko, edozein zalantza argitzeko eta matrikula egin ahal izateko, antolatzaileek hiru bide zabaldu dituzte: www.euskokultur.net web orria, posta elektronikoa (info@euskokultur.com) eta 948 141812 telefono zenbakia.

Harremanetarako

Mikel Haranburu (Euskokultur Fundazioa): info@euskokultur.com; 948 141812.
Aitor Pescador: apescador@alumni.unav.es
Bixente Serrano Izko: bixentizko@gmail.com