Teknofiloen albistegia

Europako Hiririk Onenaren saria jaso du Bilbok

Erabiltzailearen aurpegia
Sustatu.eus
2017-11-09 : 08:59

Bizkaiko hiriburua izendatu dute 2018ko The Urbanism Award sariketako irabazle. Viena eta Ljubljana zituen lehiakide finalean, eta atzo jakinarazi zuten Bilbo dela 2018ko Europako Hiribururik Onena. Sariak hirigintza alorra aztertzen du, gehienbat, baina baita beste kontu batzuk ere, besteak beste, giza balioak, berrikuntza, nortasuna eta hiri-gobernantza.

The Academy of Urbanism erakundeak urtero banatzen ditu Hirigintza Sariak. Aurtengoan, Bilbo (Euskal Herria), Viena (Austria) eta Ljublyana (Slovenia) iritsi dira finalera eta, atzo arratsean Londresen egindako ekitaldian, Bilbo izendatu zuten 2018ko Europako Hiririk Onena. 

Epaimahaia irailean izan zen Bilbon zenbait egunez, hiriaren azterketa egiten. Hainbat parametro aztertu zituzten, esate baterako, zerbitzuak, garraio-sistema, azpiegiturak, eraikinak, bizitza-kalitatea, iraunkortasuna, ingurumen-parametroak, eta abar.

Academy of Urbanism erakunde independientea da eta bere helburuen artean dago hiri jasangarri eta berritzaileak bultzatzea. 

Juan Mari Aburto alkatea izan zen Bilboko hautagaitzaren ordezkaria eta bere hitzaldiaren zati bat Twitterren eskegi zuen alkateak berak. Hantxe entzun daiteke, "ingelesez egin baina Euskeraz amaitu" zuen hitzaldia.

 

......

Argazkia: Jas Atwal (Twitter)

 

Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Hona beste batzuk, mezu bidez Aitorrek bidaliak... (Sustatu.eus)
Zeintzuk ote historian gehi..., 2018-01-16
Erabiltzailearen aurpegia
Hemen zerrendara gehitzeko beste bat, 2.1M ikus... (Sustatu.eus)
Zeintzuk ote historian gehi..., 2018-01-16
Erabiltzailearen aurpegia
Bai, arrazoia, Aiora, bideo horrek ihes egin di... (CodeSyntax)
2017an Youtuben gehien ikus..., 2018-01-15
Nik egin nuen bideo hau 2017 hasierakoa da, eus... (Aiora)
2017an Youtuben gehien ikus..., 2018-01-15
Erabiltzailearen aurpegia
Bai, hala da, baina ez da 2017ko bideoa ;) 20.... (CodeSyntax)
2017an Youtuben gehien ikus..., 2018-01-15

»» Jardun osoa