Euskaraba.eus berritu dute

"Azken urteotan, euskalgintzak ez du atsedenik hartu Araban, eta gero eta presentzia handiagoa du sarean. Guneak, hedabideak, erreeferentziak dibertsifikatzeko garaia iritsi da", dio Euskarabak eraberritzeaz informatzen duen albistean.

"Kuadrillaz kuadrilla, erakundez erakunde, euskararen biziberritze-lana planifikatzea, bideratzea eta gauzatzea da gure egitekoa. Horretarako, garrantzitsua da zerbitzu bakoitzak bere eragin-eremuan egiten duen lana, baina pareko garrantzia du elkarlanean aritzeak. Asko dira partekatzen ditugun helburuak, eta horiek lantzeko koordinazioa ezinbestekoa da. Koordinazio-lan horren fruitua dira azken urteotan martxan jarri ditugun egitasmo partekatuak."

Hiru atal nagusi ditu Euskaraba gune berrituak:

• Euskararen Foru Zerbitzua: Arabako Foru Aldundiko Euskararen Foru Zerbitzuaren aurkezpena, eta ematen dituen zerbitzuen katalogoa.
• Arabako Euskara Zerbitzuak: Araban zehar, kuadrillaz kuadrilla eta udalez udal lanean ari diren euskara zerbitzuen aurkezpena, eta zerbitzuok modu koordinatuan martxan jarritako egitasmoen bilduma.
• Berriak berri: euskara zerbitzuek martxan jarritako proiektuak, euskararen biziberritze-lanetan ari direnentzako datu interesgarriak, bestelako kronikak... esparruka sailkatuta.