Teknologia albisteak
Ahots sintesia, Urkullu lehendakariaren ahotsarekin
Sustatu
2017-01-01 : 11:01
Azken orduetan whatsapp eta beste sare batzuen bidez zabaldu da EHUko Aholab ikertegiko demo bitxi hau, zeinak testu jakin bat Iñigo Urkullu lehendakariaren ahotsean grabatzen uzten dizun. Hona aproba bat:
Ahots sintesiaren teknologia lantzen du Aholab-ek. Nahiko fin landu ere, iruditu zaigunez.
Norbaitek erabaki zuen Gabonzahar gaueko sare sozialetako edo Sustaturen iragarpentxoarekin, ez zela komeni gehiago baliabide hau sarean egotea, eta atzo bertan kendu zuten. Vladimir Putinek halakorik Errusian agindu balu ulertuko genuen, baina hemen? Zergatik ezin dugu Urkulluren ahotsa euskaraz sintetizatzen duen demorik izan sarean? Euskarazko teknologia apur bat primeran dabilena, horren adibide bat zen azken batean.
Nolanahi ere, martxan ibili zen tartean geurea bezalako beste mezuren bat grabatzeko ere erabili zuen baten batek. Honakoa helarazi digute gaur, hain zuzen ere: