Nafarroako euskarazko hedabideen egoerak hobera? Bada, ez da hala izan
Batek baino gehiagok pentsatuko zuen Nafarroako euskarazko hedabideen egoerak hobera eginen zuela garai berriekin. Bada, ez da hala izan. Lau urtez (2012-2015) Nafarroako Gobernuaren diru laguntzarik gabe egon ondotik, 2016an berreskuratu dira. Berri pozgarria dirudi, baina egoera makurragoan gelditu dira, ia den-denek diru kopuru ttikiagoa jaso dutelako. Gainera, 24 urtez Eusko Jaurlaritzak emandako laguntzarik ere ez dute izanen, guttienez ondoko hiru urteetan.
Historikoki, Eusko Jaurlaritzak Nafarroako Gobernuak berak baino diru gehiago inbertitu du Nafarroako euskarazko hedabideetan. Hemendik aitzinera ordea, Eusko Jaurlaritzak Nafarroako Gobernuarekin horrela adostuta, ez ditu herrialde honetako euskarazko hedabideak diruz lagunduko.
Batek baino gehiagok pentsatuko zuen Nafarroako euskarazko hedabideen egoerak hobera eginen zuela garai berriekin. Bada, ez da hala izan. Salbuespenak salbuespen, diru-laguntzei dagokionez, 2016a izanen da inoizko urterik txarrena. Ondoko orrialdean dagoen taulan ageri da hedabide bakoitzak Nafarroako Gobernutik (NG) eta Eusko Jaurlaritzatik (EJ) hartu dituen laguntzen bilakaera.
2011 izan zen UPNren gobernuak laguntzak banatu zituen azkeneko urtea. Hala ere, hedabide nafarrek bazuten Eusko Jaurlaritzaren laguntza, eta hari esker biziraun dute urteotan.
Aurten, bi administrazioak elkar hartuta, ‘ardurak’ banatzea adostu dute, eta kaltetuak… Nafarroako euskarazko komunikabideak.
Baita ere, Erran.eus-en.
/cache/Udako-Ola-2024_1_small_content.jpeg)
Erantzun
Sartu