Cabinporn.com: Txabolen argazkiekin maitemindurik dauden hipsterrak
Nik txabolak maite nituen, hipsterren artean modan jarri aurretik. Beraz, ez da harritzekoa Interneten CabinPorn.com photologarekin topo egin izana. Txabolen argazkiak biltzen ditu, eta Interneteko fenomeno bilakatu da azken urteotan, batez ere hirietako jende modernoaren artean. Zach Kleinek abiatu zuen bloga, 2009an. Azken urteotan, komunitate bat sortu du Kleinek New York estatuko baso batean: egurrezko etxoletan bizi dira kide batzuk; beste batzuk, asteburuak pasatzen dituzte. Elkarlanean osaturiko bloga da Cabin Porn: mundu osoko lagunek bidalitako argazkiekin elikatzen dute. Horietako bat neu naiz. 2013. urtean, Aste Santuko oporrak pasa nituen Duero ibaiko erribera aldean, eta han ardoa gordetzeko lurrazpian eginiko soto batzuen irudia hartu nuen. Hura argitaratu egin zuten, nik bidali eta egun gutxira. Esan dutenez, irakurleek bidalitako 13.000 argazki dituzte argitaratzeko ilaran zain. Cabinporn.com-ek sekulako arrakasta izan duenez, orain liburu bihurtu dute. Irailean argitaratu zuten. Geroztik, New York Times-en salduenen zerrendan agertu izan da, eta Amazonen gehien erositakoren bat izan da (bere kategorian, noski).
Guztia irakurri (thebalde.net) »»
Txioak (16)
-
Edu Lartzanguren @edulartzanguren | 2016-02-24 21:12
Txabolen argazkiekin maitemindurik dauden hipsterren inguruan idatzi dut 'The Balde' aldizkariaren azken zenbakian: thebalde.net/edukia.php?uui…
X10 @X10tweet | 2016-02-25 17:47
@edulartzanguren biok zenbaki berean gaude, gordetzeko modukoa. @dorodorozi @luistxo pic.twitter.com/Ib4LgLNF0s
Edu Lartzanguren @edulartzanguren | 2016-02-25 17:57
@X10tweet Bai, ikusi dut zure 3,1416 ospetsua. @dorodorozi @luistxo
-
Edu Lartzanguren @edulartzanguren | 2016-02-25 08:31
Sindrome hipster bati izena jarri genion atzo: kalibafilia. Txabolen argazkiekin maitemindurik dauden pertsonek dute goo.gl/3pfdBI
txerren @txerren | 2016-02-25 08:44
@edulartzanguren eta lumbersexual. Hori ere niretzako berria izan da :D
Edu Lartzanguren @edulartzanguren | 2016-02-25 08:47
@txerren Lumbersexual planta baduzu ba. Alkandora kanadarra besterik ez duzu behar (ah, eta aizkora bat).
txerren @txerren | 2016-02-25 08:50
@edulartzanguren aurrekoan kuadrilako batek alkandoraren goiko botoia lotu eta "zorionak, hipsterra zara" esan zidan. Igual onartu behar.
/cache/Udako-Ola-2024_1_small_content.jpeg)
Erantzun
Sartu