Teknologia albisteak
1

Elon Musk eta Jeff Bezos espazioa konkistatzeko lehian

Erabiltzailearen aurpegia
Sustatu
2015-11-29 : 11:05

Teknologiaren alorrean lana eginda aberastu dira biak. Jeff Bezos ezaguna da Amazon sortu zuelako 1994an. Elon Musk Paypal-eko sortzailea da, eta egun auto elektrikoen Tesla enpresan, Hyperloop zein SolarCityn dihardu. Enpresa-jardun hau ez ei dute nahikoa itxuran, espazioa konkistatu nahian dabiltzalako biak. Musk-ek SpaceX sortu zuen 2002an, eta Bezos-ek Blue origin.

Elon Musk-en SpaceX-ek Nazioarteko Espazio Estazioa hornitzen du eta NASArekin kontratua sinatu du 2017tik aurrera astronautak espazioratzeko. Blue Origin-ek asteartean iragarri zuen pertsonarik gabeko kapsula bat espazioratu zuela, eta ondoren koheteak jaurtiketa eremuan lurreratu. Lurreratze hau ez da nolanahiko gaia, kohete berrerabilgarriek diru asko aurreztea lortu dezaketelako.

Elon Musk-ek azkar erantzun du Twitterren esanaz Blue Origin ez dela lurraren orbitatik atera, eta euren espazioantzia urrunago joan daitekeela.

Goiko bideoan ikus daiteke Blue Originek asteartean eginiko aireratze eta lurreratzea.

Erantzunak

2015-12-22 : 08:37

Atzo Elon Musk-en SpaceX-ek bere kohetea lurreratzea lortu zuen, eta Bezosek Twitterren ika-mika sortu du berriz ere: http://techcrunch.com/2015/12/21/ding-ding-ding-round-2/

Erantzun

Twitter ikonoa  Facebook ikonoa  Sartu