Teknologia albisteak

42 arabar 1.000 euskal txiolaririk garrantzitsuenen artean

Gasteizen.com, cc-by-sa

2014-09-18 : 19:52

Tttito Betbederren txioetatik Ipar Euskal Herriko txiolarien erretratoa argitaratu zen bezala, hona Gasteizen.com-ek egin duena Arabarako: 42 arabar 1.000 euskal txiolaririk garrantzitsuenen artean. Artikulua handik hona ekarri dugu beren Cc-by lizentziari esker.

Twitterreko euskarazko jarduna detektatzen eta jarraitzen du UMAPwebguneak. Ondoren jasotako datuak aztertuz euskal txiolarien arteko rankinga egiten du, garrantziaren arabera sailkatzeko. Sailkapenaren lehen 1000 postuak arakatu ditugu euskal arabarrok twitterren dugun presentzia neurtzeko. Guztira 42 aurkitu ditugu, baten bat eskapatu bazaigu abisatu zerrenda zuzentzeko.

Lehen tokia Aiaraldeko araialdea hedabidearentzat da, zazpi dira hain zuzen ere zerrendan sartzen diren komunikabideak. Kontu pertsonalak 23 dira, Iban Zaldua horien buru.

Zerrendan agertzen diren politikari guztiak EH Bildukoak dira, Arabako eta Gasteizko profilak eta Ane Aristi zein Iratxe Lopez de Aberasturi zinegotziena.