Algoritmotik maitasunera
Amy Webb neska ezin argiagoa da, baina zorte eskasa izan du maitasun kontuetan. “Kontentagaitza zara”, esaten zion amonak. Datu zale amorratua izanda, eta sare sozialen algoritmoan sinistuta, Interneten abiatu zen bere bihotzeko azukre tontorraren bila. Arrakastarik ez, ordea. Orduan erabaki zuen bere algoritmoa landu eta zuzenean eskua sartzea bilaketan. Amyk berak kontatzen du, umore handiz, bere esperientzia TED bideo honetan. Hitzaldia ingelesez dago, gaztelaniazko azpitituluekin, eta merezi du, interesgarria bezain entretenigarria baita.
Beste lagun batzuekin batera, Amy Webb-ek SparkCamp sortu zuen, asteburuetako eztabaida sorta bat, hausnarketa egiteko hedabideen inguruan. Liburu bat ere idatzi du, Data: A Love Story, non kontatzen baitu, luze eta zabal, goiko bideoan kontatzen duena.
Eskerrik asko Amy Webb-en aurkezpenaren oharragatik. Bertako ikustaldian gainera aukera litezke azpitituluentzako hainbat hizkuntza, besteak beste ingelesa bera, eta bide ona da hori ere gure ingelesa lantzeko espainolaren gainetik.
Ondo izan
Bittor