Teknologia albisteak
Gif mugikorren hiru Tumblr euskaldun
Sustatu
2013-06-12 : 10:41
Gif mugikorrak (irudi formatu digital bat) bolada betean daude Interneten azken hilabeteotan. Meme edo sareko joko biralak bihurtuak ditugu honezkero, bereziki, blogetan pilaturik gai zehatz batean eguneroko egoerak satirizatzeko. Euskaraz, halako hiru aurkitu ditugu.
Goiko adibidea, Abertzalea zarenean Tumblr-ekoa da. Katalan herriak bidea agertzen duenean, dio azalpenak. Kasu honetan, azalpenak lau hizkuntzatan agertzen dira.
Izkinetik, euskara irakaslearen gora-beherak deskribatzeko sortua da. Adibidez:
Ikasleak, klasean nahiz azterketan, idazlanaren gaia irakurri ondoan, lanean hasten direnean
Gai-jartzailea zarenean, uste dugu Josu Goikoetxeak elikatzen duela. Honek adierazten ditu bertso-saioetako gai-jartzaile baten komeriak. Adibidez:
"Jarri ezin duzun gai bat bururatzen zaizunean."
Erdaraz halako mordo bat daude. Hona, Interneteko saltsetan lan egiten dutenen artean popularra den bat, The Coding Love.
Nola sortu hauek? Hemen gida bat, Youtubetik bideo bat aukeratu eta Gimp tresna librearekin gif animatua sortu arteko prozesua ingelesez azaltzen duena.
Eguneraketa: Egile bat aipatu dugu gorago, baina jakin dugu Izkinetik Bea Salaberrik egiten duela, eta Abertzalea Zarenean euskara ikasten ari den ikasle batek.
Erantzunak
2013-06-12 : 18:37
Abertzale batek euskaraz honela idazten duenean: http://abertzaleazarenean.tumblr.com/post/52790199969/bidai-egiten-behar-duzue-abertzaleek-mundua
Linuxerako badago terminalerako komando bat (mplayer) eta aplikazio bat (video2gif) era errazean bideo bat gif animatua bihurtzeko. Mezu honetan azaltzen da nola egin: http://alexgabi.blogspot.com.es/2012/02/bideotik-animaziora.html