Teknologia albisteak
1

Arte eszenikoen goi mailako Eszenika eskola egiteko lanak bertan behera geratu dira

Erabiltzailearen aurpegia
Dantzan.com
2013-02-13 : 09:24
Arte Eszenikoen Goi Mailako Eskola izatekoa zen Ezsenika, Eusko Jaurlaritzaren Hezkuntza Sailak Bilbon ezartzeko asmoa zuen zentroa, baina oraingoz ez da gauzatuko. 2012an ireki behar zituen ateak, baina hainbat atzerapen eta arazoren ondoren, etenda zeuden lanak, eta gaurko EHAAn argitaratu da espedientian atzera egiten dela egindako kontratatzioak indarrik gabe utziz.

Legebiltzarrean, oposizioan zela, bere gain hartu zuen Isabel Cela PSE-EEko kideak Arte Eszenikoen Goi Mailako eskola martxan jartzeko plataformaren proposamena. Hezkuntza sailburu izendatu eta eskola martxan jartzeko asmoa erakutsi zuen, eta horrela 2010ean Eszenikaren aurkezpena egin zuen Bilbon, EITBren egoitzan, haren azpian egitekoa baitzen zentro berria. Bertan adierazi zuenez, 2012ko irailean irekiko zituen ateak Eszenika eskola berriak eta bertan antzerkia, dantza eta eszenoteknia ikasketak eskainiko ziren.

Eraikina prestatzeko lanek 5-6 miloi euroko aurrekontua zuten eta 2011ko lehen hilabeteetan hastekoak ziren lanak. Baina denbora aurrera joan eta lanak atzeratzen joan dira hainbat arrazoi medio. Arte Eszenikoen Goi Mailako Eskolei babesa ematen zien dekretuak kolpe latza jaso zuen Madrilen, Auzitegi Konstituzionalean, Jaurlaritzak lokartzen utzi zuen proiektua, eta halako batean iratzarri nahi izan zutenerako, legealdia agortzear zuten, eta presaka hasi ziren.

Zentroa eraikitzeko kontratazioak salbuespeneko izaeran oinarrituta presaz egin zituen Jaurlaritzak, baina Euskal Herriko Arkitektoen Elkargo Ofizialak errekurtsoa aurkeztu zuen, salbuespeneko izaera hori justifikatuta ez zegoela argudiatuz. Gaur Euskal Herriko Agintzaritza Aldizkarian argitaratu den iragarkiak jakinarazten du: "Bilboko Eszenika Goi Mailako Arte Irakaskuntza Eszenikoen Zentroaren eraikuntzarako oinarrizko proiektua, exekuzio proiektua, jarduera proiektua, dagokion obra burutzeko proiektua, eta obra gauzatzeko kontratazio espedientea" atzera botatzen dela, ez delako egiaztatu kontratazioaren salbuespenezko izaera.

Orain, Jaurlaritza berriaren esku geratzen da proiektu hau berriz abiatu ala bere horretan uztea. Abenduan, Arte Eszenikoan Goi Mailako Eskolaren aldeko plataformak agerraldia egin zuen eskolaren aldeko aldarria eginez, eta "egon diren zailtasunek ez dute zuritzen hitzartutakoa ez betetzea" salatuz.

(Artikulu hau Dantzan.com-en agertu zen eta handik ekarri dugu  bertako CC-by-sa lizentziari esker.)

Erantzunak

2013-02-13 : 11:07

Arte eszenikoen eskola inbertsio gutxirekin egiteko beste aukera batzuk bazeuden, @oaraolaza -ren erantzuna http://www.dantzan.com/albisteak/eszenika-egiteko-lanak-bertan-behera-geratu-dira#1360680132637723

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago