Teknologia albisteak

Kataluniako futbol talde nagusiak bertako selekzioaren alde

Erabiltzailearen aurpegia
Sustatu.eus
2012-10-23 : 15:35

Kataluniako futbol talderik garrantzitsuenak Generalitat-aren egoitzan bildu ziren atzo, Mas Presidentearekin batera, Kataluniako futbol selekzioaren aldeko hitzarmena izenpetzeko eta selekzioaren aldeko aldarria egiteko. Hitzarmena izenpetzeko orduan Kataluniako talde nagusi guztiak bildu ziren. 1. mailako, 2A mailako eta 2B mailako taldeak egon ziren Geleralitat-eko egoitzan. Bertan zeuden, besteak beste, FC Barcelona eta RCD Espanyol taldeetako presidenteak. Guztira 11 talde dira eta ondorengo argazki historikoa atera zuten. Posible litzateke antzekoa Euskal Herrian?

Aipaturiko taldeek hitzarmena izenpetu zuten selekzio katalanen aldeko plataformarekin (ESAITen pareko Plataforma Proseleccions Esportives Catalanes). Hitzarmenaren arabera, futbol taldeek selekzioen ofizialtasuna bultzatzeko konpromisoa hartu zuten, nazioarteko ofizialtasuna lortzeko.

Ekitaldian izan ziren, gainera, Mas presidentea eta Kataluniako Futbol Federazioko ordezkaria eta Generalitateko Kirol Idazkaritza. Artur Mas presidenteak esan zuen badirudiela zailagoa dela selekzio katalanak lortzea kontzertu ekonomikoa baino.

Kataluniako selekzioen aldeko plataformak aditzera eman duenaren arabera, atzokoa egun historikoa da, eta urrats handia Kataluniako selekzioak lortzeko bidean. Kataluniako talde guztiak inplikatu nahi dituzte prozesuan, eta datozen hilabeteetan beste kirol batzuetako ordezkariekin ere hitzarmena izenpetzeko bidean omen daude.

Argazkia: Seleccions.cat



Erantzun

Twitter ikonoa  Facebook ikonoa  Sartu