Mahaingurua politikariekin Donostian: Independentzia, krisialdiaren irtenbide bat?
Donostiako Espai Catalunya Topaleku eta ekimenak mahaingurua antolatu du urriaren 3an, asteazkenez, Kataluniako aktualitate politikoa hizpide. "Independentzia, krisialdiaren irtenbide bat?" da izenburua, eta zenbait politikari izango dira bertan.
Hitzordua da Donostiako Ernest Lluch kultura etxean (Anoeta estadioan), 19.30etan, urriaren 3an, asteazkena.
Parte hartuko dute:
- Toni Strubell, Solidaritat Catalana per la Independència (SI) alderdiko parlamentaria Katalunian.
- Denis Itxaso, Donostiako zinegotzia (PSE-EE)
- Eneko Goia, Donostiako zinegotzia (EAJ)
- Marian Beitialarrangoitia, EH Bilduren hautagaia hurrengo hauteskundeetarako.
- Baleren Bakaikoa, ekonomilaria eta EHUko katedraduna.
Moderatzailea Arantxa Zugasti izango da, Noticias de Gipuzkoa egunkariko zuzendaria.
Galderak egiteko tarte bat izango da, eta Twitterren bidez ere parte hartu ahal izango da #espaidebate traola erabiliz.
Joan nahi dutenei, aurrez abisatzeko eskatzen diete antolatzaileek, espai (a bildua) espaicatalunya.org helbidearen bidez.
Erantzunak
Ez dakit zer suposatu behar den, baina beldur naiz gaztelaniaz izango ote den. Euskal Herriko parte-hartzaileak denak dira euskaldunak, eta Strubellek apurtxo bat badaki. Facebook-en aurkitu dudan iragarki bat euskaraz eta gaztelaniaz da.
Argazkiak.org | Espai Catalunyaren debatearen iragarkia © cc-by-sa: Luistxo.F
Ba ni berandu iritsi nauk ekitaldira, Strubell ari huen hizketan español garbian azentu katalanez eta ondoren Eneko Goia hasi dek: Arratsaldeon, Moltes gracies, Muchas gracias, eta españolez hasita, altxatu eta alde egin diat.
Ondo izan
Bittor
P.S. Kontue dek ezinbestekoa dala halako ekitaldien hizkuntza aldez aurretik iragartzea (hik maiz eskatzen dekan bezela). Españolez egiten badute, iragarri dezatela hala lotsa gabe. Eta gurean bada ere bai, guk denborarik ez galtzeko españolari joku ematen.
Suposatu beharko da euskaraz izango dela, Luistxo?
Goiz on
Bittot