"Ostiralak beltzez" ekimenarekin bat egin dute EHUko irakasle eta zerbitzuetako langileek

Espainiako Gobernuak gizarteari, oro har, eta funtzionarioei, partikularrean, ezarri dizkieten murrizketen aurkako protesta da Ostiralak beltzez ekimena. Madrilen hasi zen, eta pixkanaka estatu espainiarrean zabalduz joan da. Orrialde bat ere badute Facebooken.

EHUko irakasle eta zerbitzuetako langileek ala aldarrikatu dute euren protesta:

Gizarteak kontzientzia hartu behar du langile publikoak ez garela krisi honen errudunak, baizik eta finantza sistema, espekulatzaile, politikari eta agintariak direla, urte askoren ondoren egindako gehiegikeri eta zarrastelkerien ondorioz, eta orain herritarrak ordainduko dugula.

Ikusgarritasuna handitzeko, interneten jarriko dituzte argazkiak, blog honetan. Norbaitek ekimenarekin bat egingo balu, lutoviernes (a bildua) gmail.com helbidera bidal dezake ateratako argazkia.