Tren geltokiko ikasleak
Ikastea, edo azterketak prestatzea esatea litzateke egokiena, gure kulturan prozesu indibidual bezala bizi izan dugu. Norberak bere apunteekin, edo baten batek utzitakoekin, bakarka egiten den jarduera izan da. Horregatik, honakoa albiste bihurtzen da gurean: muturreko egoera batek bultzatuta, taldean ikasteko biltzen dira Indian: tren geltokiko ikasle bezala ezagutzen dituzte.
Argazkiak.org | Tren geltokiko ikasleak © cc-by-sa: sustatu
Gauero elkartzen dira Sasaramgo Rohtas barrutiko (Bihar estatua) tren-geltokian: ikasteko elkartzen dira, eta lana topatzeko frogak prestatzen dituzte denen artean. Geltokian argia joaten da etengabe, baina herrialdeak bizi duen krisi energetikoa dela eta, euren etxeetan argindarraren eskasia are larriagoa da. Formula hau ez da berria, dirudienez, hamar bat urte daramatzate ikasketa-modu berezi honekin.
Borobilean eseri, eta euretako bat erdian jartzen da: azterketetako galderak planteatzen ditu, eta erantzunak dakizkitenek altuan kontatzen dituzte, gainontzekoei azaltzeko. Elkarrekin ikasteaz gain, eztabaidarako tarteak izatea ahalbidetzen ditu ikasteko modu honek. Metodo sinplea, eta batez ere, merkea, abantaila handi bat prestakuntza-ikastaroak ordaindu ezin dituztenentzat. Guztien artean jartzen dute dirua, beste ikaskide batzuek pasatzen dizkieten azterketak fotokopiatu eta guztiek kopia bana izateko.
Jatorrizko artikulua BBC-rena da, hemen irakur dezakezu.
/cache/Udako-Ola-2024_1_small_content.jpeg)
Ikasketa kolektiboen beste eredu txundigarri bat: