Teknologia albisteak
2

Ingurumenarekin lotutako proiekturen bat duzu?

Erabiltzailearen aurpegia
Kutxa Ekogunea
2012-06-25 : 13:15

Irabazi asmorik gabeko erakunde bat bazara eta ingurumenarekin lotutako proiektu edo egitasmoren bat baduzu, aztertzeko eta finantziazioan laguntzeko prest gaude.

Kutxa Ekogunea 2014an bere ateak irekiko dituen jasangarritasunaren eta ekologiaren parke irekia ari da iada bere kanpo eta barne itxura definitzen. Kutxa Ekogunearen misioa Gipuzkoan jasangarritasunaren kultura sustatzea denez, bere egituraren osaketan gipuzkoarren eskuartzea bultzatu nahi izan du. Modu honetan kanpo eta barne diseinuaren lehiaketen ondotik, jasangarritasunean oinarritzen diren proiektuak gauzatu ahal izateko lehiaketa zabaldu du.

Beraz, irabazi asmorik gabeko erakunde bat bazara eta ingurumenarekin lotutako proiektu edo egitasmoren bat baduzu, aztertzeko eta finantziazioan laguntzeko prest gaude. Lehiaketa honen bidez iraunkortasunaren eremuan jarduerak gauzatzeko proiektuen artean 100.000€ banatuko dira. Proiektu bakoitzeko gehienez ere 10.000€ ko diru laguntza emango da.

Ideiak aurkezteko azken eguna: 2012ko uztailak 30 (hasiera batean 13ra arte zen, baina aldaketa egon da).

Informazio gehiago nahi baduzu sakatu hemen

Ziur Gipuzkoarentzat proposamen asko eta onak daudela!

Erantzunak

Sustatu.eus
2012-06-29 : 13:56

ADI!

Lanak aurkezteko epea luzatu egin da, uztailaren 13tik, uztailaren 30era.

2012-06-29 : 19:36

Oso interesgarria iruditu zait dirulaguntza proposamen hau, izan ere ingurumenaren hobekuntzan izan daitezkeen proiektuak laguntzea inoiz baino beharrezkoagoa da.

Ingurugiroa eta teknologia uztartzen dituen proiektu batean lanean gabiltza, baina tamalez ezin izango dugu proposamenik bidali, izan ere ez dugu konturik Kutxabank entitatean, eta proposamenak kontuan izateko baldintzen artean Kutxabank-eko bezero izatea jarri duzue.

Ez zait onargarria iruditzen baldintza hori jartzea horrelako deialdi ireki batean, naiz eta Ekogunea KutxaBankek finantzatutako Fundazio bat izan.

Etorkizunean beste baldintza batzurekin elkarrekin proiektuak egin ahal izatea espero dut. Bestela ere guk gure proiektuekin aurrera jarraituko dugu.

Erantzun

Twitter ikonoa  Facebook ikonoa  Sartu