Bigarren urtez eskainiko da Auzoak, etxebizitzak eta Arkitektura-Ondarea biziberritzeko estrategiak izeneko udako ikastaroa. Miramarren izango da, uztailaren 9 eta 10ean. Zuzendariak Maialen Sagarna eta Lauren Etxepare dira, EHUko Arkitektura Saileko irakasleak biak. Eurekin batera, beste 4 irakasleren hitzaldiak izango dira.
Bigarren urtez jorratuko dira arkitekturak zaharberritzeko eta berreskuratzeko estrategiak, ezinbestekoa da-eta lan-lerro hau jorratzea arkitektura eta hirigintza jasangarriago baterantz jo behar badugu.
Kasu-sorta bat lokarri, hainbat ikuspegitik helduko zaio aurretiko arkitekturen biziberrikuntzari: ikuspegi sozialetik eta parte-hartzearenetik izango da aztertua hiri-espazioen berrikuntza; bizi kalitatea hobetzeko bideak eta jasangarritasun soziala hartuko dira ahotan; legediaren ikuspegitik erreparatuko zaio arkitektura-ondareari; alderdi teknikotik aztertuko desarrollismo garaiko eraikuntza sistemak berritzeko estrategiak, eta lehen mailako arkitektura-ondare gisa izango da aztertua baserriaren eta beronen testuinguruaren gaineko esku-hartzea.
Hemen duzu ikastaroaren egutegia
Erantzun
Sartu