Plazaz Plaza: Euskal produktu eta ekoizleen lana erakusten duen web telebista
Euskal produktuak saltzen dituen Euskal Herriko Plaza denda elektronikoak bloga abiatu berri du, saltzen dituen produktuen ekoizpen prozesua erakutsi eta euskal ekoizleen berri emateko, besteak beste. Egitasmoaren baitan, Plazaz Plaza izeneko webseriea ere abiatu du. Lehenengo bideoak Bastidako Remelluri upategian nola lan egiten duten erakusten du. Zortzi kapitulu izango ditu momentuz web telebista berri honek.
Euskal Herrian ekoitzitako produktuak saltzen ditu Euskal Herriko Plaza denda elektronikoak: Garagardoa, hestebeteak, ardoa, gazta, kamisetak, sagardoa...
Saltzen dituen produktuen eta ekoizpen prozesuaren berri zuzen-zuzenean emateko, bloga abiatu du Interneteko saltoki honek. Komunikazio egitasmo honen baitan, gainera, Plazaz Plaza izeneko webserie edo web telebista ere jarri du martxan. Momentuz zortzi kapitulu izango ditu eta bakoitzak euskal produktu baten ekoizpen prozesua erakutsiko du.
Lehenengo Kapituluan, Arabar Errioxako Remelluri upategian nola lan egiten duten jaso du Plazaz Plaza telebista saioak. Bideoak Transistoria ekoiztetxeak egin ditu eta webgunea, aldiz, Elurnetek.
/cache/Udako-Ola-2024_1_small_content.jpeg)
Erantzun
Sartu