Teknologia albisteak
Mintza Eguna ospatuko dute Santurtzin ekainaren 2an
Sustatu
2012-05-20 : 17:05
Aurtengo Mintza Eguna Santurtzin ospatuko dute. Ekainaren 2an izango da, eta egun guztirako egitaraua osatu dute. Hitzordua 11:00etan egin dute, Santurtziko portuan, eta gonbidapena luzatu dute sare sozialen bidez, Zeuk ere euskaraz bizi nahi baduzu, zatoz gurekin! lemapean.
Behin-behineko egitaraua:
- 11:00 Ongietorria eta hamaiketakoa portuan, Bihotz Gaztea kantu-taldearen eskutik.
- 12:00 Ibilaldi gidatua herritik / Gurasolagun eta umeentzako jolasak parke nagusian.
- 13:30 Berba kalejira.
- 14:30 Bazkaria Gernika parkean (20 ).
- 16:00 Sari-banaketa eta bertsolariak.
- 17:00 Euskal erromeria.
- 20:00 Kantu-triki-poteoa, Dangiliske taldearen eskutik.
Bazkarira joateko, izena eman behar da maiatzaren 21a baino lehen, ezkerraldea@aek.org helbidean.
Gainera, hurrengo egunean aurtengo Ibilaldia izango da Santurtzin.
Eguna girotzeko abesti eta guzti egin dute:
Aupa.
Oker txiki bat dago testuan zere, Ibilaldia Trapagaranen izango baita, eta ez Santurtzin.Zuzen dago Mintza eguna Santurtzin izango dela.
Trapagaranen zerikusi ederra badago(Ibilaldiaz gain),esaterako La Arboleda izeneko auzunea, mehatzaldeko herria da Barakaldotik hurbil dagoena.