Teknologia albisteak

"Kazetaritza eta hedabideak berriz asmatzen" hitzaldi zikloa

Sustatu

2012-04-19 : 13:04

Berria Fundazioak eta Innobasquek Kazetaritza eta hedabideak berriz asmatzen hitzaldi zikloa antolatu dute, elkarlanean. Paperaren krisiak gogor jotzen duen honetan, kazetaritzaren erronka berriak izango dituzte hizpide apirilaren 26an hasi eta maiatzaren 24a bitartean eskainiko dituzten hiru hitzaldiren bitartez. Sarrera doakoa den arren, aurretik izena ematea beharrezkoa da.

Hau izango da hitzaldi zikloaren egutegia:

Apirilak 26,osteguna: Juan Varela . Testuinguruaren araberako komunikabideak izango ditu hizpide, baita garai zailetan informazio hartzaileei laguntzeko kazetaritza ere. Non: Martin Ugalde kultur parkean (Andoain, Gipuzkoa). Noiz: 11:00etan.
Maiatzak 8, asteartea: Pablo Mancini . Kazetaritza hackeatzearen, eta komunikabide banatuak eta hartzaileei begirako berrikuntzen inguruan hitz egingo du. Non: Koldo Mitxelena kulturgunean (Donostia, Gipuzkoa). Noiz: 11:00etan.
Maiatzak 24, osteguna: Vicent Partal . Komunitatea, parte hartzea, eta egunkari/prentsaren berrasmatzearen inguruan jardungo du. Non: Martin Ugalde kultur parkean (Andoain, Gipuzkoa). Noiz: 11:00etan.

Apirilaren 25a baino lehen eman behar da izena. Horretarako, mezu bat bidal dezakezu komunika@berriataldea.net helbidera, edo (0034) 943 30 40 30 telefono zenbakira deitu.