Teknologia albisteak

"Udan Olgetan" udaleku irekiak Durangon

Berbaro Elkartea

2012-04-22 : 19:04

Berbaro Elkarteak martxan jarri ditu aurtengo udarako Udan Olgetan udaleku irekiak. Durango eta inguruko herrietako 3-10 urte bitarteko umeei zuzendutako udako aisialdi eskaintza euskalduna. Badator Olgetan berriro ere gurera! Etorri eta gozatu olgetan euskeraz berbetan!

UDAN OLGETAN 2012 udaleku irekiak:

Nori zuzendua: 3-10 urte bitartekoei (2002 - 2008 urte bitartean jaioak)
Lekua: Durangaldeko Mankomunitateko Behargintzako instalazioetan (Intxaurrondo, Durango)
Datak: ekainaren 25etik uztailaren 27ra (5 astez baina asteka izena emateko aukera)
Ordutegia: goizeko 9:00etatik 13:30etara eta astean behin egun osoko irteera 16:30ak arte.
Aurtengo gaiak: BASOA / FANTASIA MUNDUA / HERRIA / ESPAZIOA / ITSASOA (aste bakoitzean gai bat landuko da orden horretan)
Izena emateko epea: apirilaren 24tik maiatzaren 11ra bitartean (maiatzak 11 baino lehen plazak bukatzen badira, izena ematea itxiko da)

Informazio gehiago berbaro webgunean ere baduzue edo bestela, jarri gurekin harremanetan telefonoz edo emailez (946202540 / gazteak@berbaro.com).