Bideoa: Baxoa euskaraz!

DEIADAR euskararen aldeko kanpania kari, Euskararen Kontseilua elkarteak bideo hau proposatzen dauku. Seaskako ikasleek baxoa azterketa egiten dute urtero, beste Terminaleko ikasle guziek bezala. Bainan euskaraz ikasten badute urte osoan, baxoa frantsesez egiterat behartuak dira, Historia eta Geografia salbu. Baxoa osoki euskaraz egiteko eskubidea aldarrikatzeko, kanpania abiatu dute Baionako Bernat Etxepare lizeokoek, ikasle ohien eta eragile anitzen sustengu zabala bilduz. Martxoaren 31an Baionan Euskararen alde iraganen den DEIADAR manifestaldian parte hartzerat ere deitzen dute.