Teknofiloen albistegia

Airbnb: sare globala, merkeago bidaiatzeko

Erabiltzailearen aurpegia
Joxe Aranzabal, Faroa
2012-03-21 : 09:03

Txiripaz izan bada ere, webgune bikaina aurkitu dut merkeago bidaiatu nahi duten guztientzat: Airbnb sare globala, non bidaiariak aloka dezakeen gela bat munduko 19.732 hiritan, 192 herrialdetakoak.


Argazkiak.org | AirBNB © cc-by-sa: sustatu

Nahikoa duzu hiri baten izena idaztea webgunearen azalean, eta bertan zehaztea zenbat lagun zareten eta noiztik noiz arte egon nahi duzuen etxe horretan. Zerbitzuak hainbat aukera eskainiko dizu. Hautatu bat. Hauxe ikusiko duzu:

  • Argazkiak. Dozenatik gora argazkik erakutsiko dizute zelakoa den etxea, eta zelakoa aloka dezakezun gela. Bertatik irten barik, azalpen zehatza aurkituko duzu etxearen eta inguruen gainean. Halaber, aurretik etxe horretan izan diren bidaiarien iritziak.
  • Mapa. Hortxe ikusiko duzu non dagoen etxe hori. Zoom out eginez gero, ondo koka daiteke etxea ikuspegi zabalean.
  • Kaleko ikuspegia. Google Maps-en Street View darabilte hemen erakusteko zelakoa den etxe horren kalea.
  • Egutegia. Atal horretan argi ikus daitekee, hilez hil eta egunez egun, noiz dagoen etxea hartuta eta noiz libre.

Horrezaz gain, eskuin aldean aplikazioak kalkulatu egingo dizu zenbat irtengo zaizun egonaldia, aintzat hartuta zenbat lagun zareten eta bertan zenbat denbora egiteko asmoa duzuen.

Airbnb oso zerbitzu ona iruditu zait, eta primerako weba dauka, ondo antolatua eta bizkorra.


Jatorrizkoa: Creative Commons Aitortu Partekatu © cc-by-sa: Joxe Aranzabal, Faroa

Erantzun

Twitter ikonoa  Facebook ikonoa  Sartu