Teknologia albisteak

Iparraldea Bertan zikloaren XI. edizioa Donostian

Erabiltzailearen aurpegia
EKE
2012-03-14 : 09:03

11. aldiz, Euskal kultur erakundea eta Koldo Mitxelena kulturunea elkartzen dira Iparraldea Bertan! kultur zikloaren antolatzeko. Egitarauan, kontzertuak eta Iparraldea garapen bidean deitu hitzaldia Battitta Boloquy-rekin. Ekitaldiak martxoko asteazken guziz iraganen dira, 19:30etan, Koldo Mitxelena kulturunean.

Badu jada 11 urte Donostiako Koldo Mitxelena kulturuneak eta Euskal kultur erakundeak Iparraldea Bertan ! zikloa antolatzen dutela Gipuzkoako Hiriburuko biztanleek ipar Euskal Herriko kultur bizitasuna hobeki ezagut dezaten. Lau hitzordu berri antolatuak dira edizio berri honentzat.

  • Kontzertuak lehenik, hala nola Philippe de Ezcurraren inguruan antolatu gaualdia (martxoaren 7an)
  • "Iparraldeko talendu berriak" izenburupean antolaturikoa (martxoaren 14an)
  • Maddi Zubeldiak eta bere musikariek eskainiko duten emanaldi paregabea (martxoaren 21ean)
  • Ziklo berri hau, Garapen Kontseiluko zuzendaria den Battitta Boloquy-ren mintzaldi-elkarrizketa batekin amaituko da martxoaren 28an. Frank Dolosor kazetariaren galderei erantzunen die Iparraldea garapen bidean... gaiaren inguruan.

Aipatzeko da ekitaldi horiek guziak streaming bidez jarraitzen ahalko direla http://kmk.gipuzkoakultura.net webgunetik.

Informazio gehiago eta egitarauaren PDFa EKE.org webgunean.

Erantzun

Twitter ikonoa  Facebook ikonoa  Sartu