Lodosa-Sartagudako Ikastolaren alde: dirua... eta askoz gehiago

Ikastolen Elkarteak egindako deiari erantzunez jarri genuen martxan Ikastola, hemen bai. Lodosan zergatik ez? ekimena. Eta horri esker diru-bilketa bera baino garrantzitsuagoa den zerbait lortu du hiru herriotan: ikastolako ikasle-irakasle-langile-gurasoak ilusio handiz elkarlanean aritzea, hiru ekitaldiak antolatzeko herrietako eragileekin batera indarrak metatzea, Lodosa-Sartaguda aldetik etorri ziren 110 lagunei bizitzen ari diren zailtasun eta oztopen aurrean berotasun eta indar apur bat ematea, eta hori gutxi balitz, dei honi erantzunez hiru plazak herritarrez betetzea.