2009. urtean hasitako gaztetxoen sariketak IV. edizioa izango du aurtengoa. Bi kategoriatan banatuta, IV. Ilustrazio eta Ipuin Lehiaketa antolatu du Elkar Fundazioak. Lehiaketaren helburua haurren eta gazteen artean irakurzaletasuna bultzatzea da. Horretarako bi modalitate antolatu dira, haur eta gazteen adinaren arabera:
Lanak apirilaren 25a baino lehenago aurkeztu beharko dira.
Orain hiru urte, 2009an, haurrengan irakurzaletasuna bultzateko asmoz, ilustrazio lehiaketa antolatu genuen Elkarren. Lehen urte hartan, 5-10 urte arteko haurrei zuzendua zegoen lehiaketa. Ipuin bat eman genien haurrei, Joxean Ormazabalen Hitz eta zaunka ipuina, eta haiek ilustrazioak aurkeztu behar zituzten. Lehen urte hartan iada espero baino erantzun askoz hobea lortu genuen: 701 ilustrazio jaso genituen Euskal Herri osotik. Hurrengo urteetan ere, lehiaketa eta parte-hartzea indartzen eta sendotzen joan dira.
Aurten, iaz bezala, bi lan proposatuko zaizkie haur eta gazteei. Horretarako Joxean Urbieta idazlearen eta Eider Eibar ilustratzailearen laguntza izango dugu.
Informazio guztia, eta oinarrirako erabili beharreko ipuina zein ilustrazioa, Elkar.com webgunean bertan daude.
Lanak entregatzeko epea apirilaren 25ean bukatzen da. Egun hori izango da lanak entregatzeko azken eguna. Bai ilustrazioak eta bai ipuina entregatzeko bi aukera daude.
1) edozein elkar liburu-dendatan utz litezke lanak.
2) edo internet bidez ere bidal litezke bai ilustrazioak eta bai ipuinak, lehiaketaren webgunean jarritako atal berezian.
Aurten, iaz bezela, lanak epaitzeko orduan, hauen originaltasuna oso kontuan hartuko da. Eta balorazio hori egiteko bi epaimahai egongo dira, ariketa bakoitzeko bat:
Ariketa bakoitzean hiru maila daude, adinaren arabera, eta maila bakoitzean 2 sari emango dira, lehen eta bigarren sariak.
Sari banaketa EKAINAREN 2an egingo da .
Erantzun
Sartu