Les.Gay.Trans Zinemaldia, gaur Donostiako Antzoki Zaharrean
Gaur, otsailaren 16, osteguna, Glam Zinemaldia-6. EHGAM Les Gay-Trans Zinemaldiaren barruan egiten diren ekintzeen artean film labur saio berezi bat eskainiko da Antzoki Zaharrean 20:00etatik aurrera. Zinemaldia EHGAMek antolatutakoa da, Donostia Kultura eta Zinegoak 2012ren laguntzarekin. Guztira 7 film labur ikusi ahal izango dira, beste horrenbeste herrialdetakoak, denak ere gay, lesbiana eta transexualen gaiak jorratzen dituztenak.
Aurtengoa 6. edizioa du Donostian egiten den zinemaldi honek. Gay, lesbiana eta transexualen gaiak jorratzen dituen Zinemaldiak, luzemetrai, dokumental eta laburmetraien bitartez, herrialde eta ikuspegi diferenteetako errealitateak gerturatzea du helburu.
Zinemaren bitartez, sexu orientazio edo genero identitatearengatik emandako diskriminazioaren aurka borrokatzen duten pertsonen lekukotza diferenteak agertu nahi dira.
Sarrerak 4 euro balioko du.
Gaur arratsaldean, otsailak 16, film hauek proiektatuko dira, arratsaldeko 8etan Antzoki Zaharrean:
- Bunny (Kanada, 10 min)
- Eu nao quero voltar sozinho (Brasil, 18 min)
- Samaritan (Norvegia, 28 min)
- Down Here (Portugal, 13 min)
- A los que gritan (Espaina, 7 min)
- La ducha (Txile, 12 min)
- La victoria de Ursula (Espainia, 16 min)
Erantzun
Sartu