Teknofiloen albistegia

Urtarriletik aurrera, hitanoa online ikasteko aukera emango du maramara* taldeak

Erabiltzailearen aurpegia
maramara* taldea
2011-12-13 : 13:12

Maramara* taldeak hitano ikastaroa antolatu du, online, 2012 urte hasierarako. Urtarrilaren 9an ekingo diogu, eta 14 asteko iraupena izango du 40 orduko ikastaro honek.

Online ikastaroa Hitanoa. Mintza hadi lagun! ikasliburuan oinarrituta dago, eta liburuko ariketak eta berariaz sortutako beste batzuk txertatu ditugu. Izan ere, izena ematen dutenek aipatutako liburua jasoko dute opari. Ordenagailuz egiteko ariketez gain, tutorearekin mintza-saioak ere egingo dira Skype bidez.

Berrikuntza handia da urrats hau eta e-ikastaroak webgunean txertatzen joango garen ikastaro guztien abiapuntua da.

Gainera, ikastaroa egina duenarentzat, Skype bidezko mintzapraktika saioak ere eskainiko dira; ordubeteko 10 saio, hain zuzen ere.

Abenduaren 31 arte eman daiteke izena, Hitanoa izeneko webgunean. Bertan, ikastaroei buruzko informazio gehiago, test bat eta ariketen adibideak eskura daiteke.

Ibilbide luzea

Maramara* taldeak esperientzia handia dauka hitano ikastaroak ematen. Azken hamar urteetan, 20 ikastaro presentzial baino gehiago eman ditu Ritxi Lizartzak, baita hamaika hitzaldi ere. Ikus-entzunezko gidoiak, antzezlanak eta literatura alorreko lanak zuzentzen topatu zituen korapiloek eraman zuten proposamen bat lantzera, hitanoaz arautu gabe dauden esparruetan murgilduz.

2009an, Lizartzaren Hitanoa. Mintza hadi, lagun! ikasliburua argitaratu zuen maramara* taldeak, proposamen metodologiko gisa eta ikastaroetan bildutako esperientzian oinarritutako ariketekin.

Orain, garai berrietara egokituz, pauso bat gehiago eman, eta online ikastaroak eskaintzen hasiko da maramara* taldea.

Gurekin zuzenean harremanetan jartzeko, hona datuak:

Eneko Haritza

maramara taldea

Tel.: 943 504 206

info@hitanoa.com

Erantzun

Twitter ikonoa  Facebook ikonoa  Sartu