Kakatzan, ni ena lantzoi
Ondarroako urte amaierako mendiko bizikleta proba, Kakatzan, itzuli da. Ohi bezala, kartel eta komunikazio korporatibo landuarekin. Ni ena lantzoi, momatxe baño.
Argazkiak.org | Kakatzan 2011 © cc-by-sa: garaolaza
Urtea ixteko egiten da proba hau, abenduaren 31n. 2009an eta 2010ean ere egin zuten, kartel eta mezu barregarriekin.
2011rako MediaMarkt elektronika denden kartelak eta lemak erabili dituzte irudirako. Ni ez naiz inozoa, esaten du MediaMarkt-ek bere kanpainetan, eta antzeko zerbait diote Kakatzan-ekoek, Ondarroan ezaguna den arrain baten izenarekin: Lantzoia, ammodytes familiako zenbait espezieren izen arrunta. Pertsonei aplikatua, single edo tontoa da lantzoia.
Momatxa, berriz, katu-arraina da, Scyliorhinus stellaris, saltsa berdean ederto geratzen den arraina.
Kakatzanera joan nahi baduzu, informazio osoa kartelean daukazu.
Erantzunak kargatzen...
