Gabon mezuak euskaraz zabaltzeko lehiaketa
Gabon mezuak euskaraz zabaltzeko helburuarekin Azkue Fundazioak eta Bizkaia Irratiak lehiaketa eratu dute. Gabonetan elkarri zorionak eman edota urteberri on bat opatuz bidaltzen diren mezuak, euskaraz sortu eta zabaltzeko helburua dauka Txioka Sarean lehiaketak. Euskararen erabilera sustatzez, euskaraz zoriontzeko bitartekoak eskaintzea ere badu xedetzat lehiaketak.
Abenduan egingo da lehiaketa. Abenduaren 1etik 18ra bitartean bidalitako mezu proposamenak sartuko dira lehiaketan. Eta horretarako sare-sozialak erabiliko dira:
- Twitterra #gabonagurra etiketa mezuan ipinita.
- Facebook-en Gabonetan euskaraz zoriondu daigun! izenburua duen taldearekin bat eginez.
Mezuak euskarazkoak izan behar dira. Eta ez dute sexu, arraza edo bestelako bazterketa edukirik izango. Formatuari dagokionez, mezuak idatzizkoak bakarrik izan daitezke, edota bestelako euskarri zein formatutan jasotakoa: gabon-postala, argazki muntaia, ikus-entzunezkoa
Hiru sari emango dira:
- Mezu edo esamolde originalenari
- Euskarri originalenari
- Bizkaierazko mezurik onenari
Sari-banaketa abenduaren 21ean, Santo Tomas egunean, Euskaltzaindiaren egoitzan egingo dugun ekitaldi berezian, goizeko 12:30ean.
Sariak Gabon jaiekin lotuz, gabonetako otzara bat, bi lagunentzat Areatzako SPAn egonaldia eta Lekeitioko Eguren electrodomesticos-ek emanda Samsung Galaxy tableta.
Gabonaren oihartzuna heldu da gugana, sendiak pozez elkarganatu, gainezka jan eta edana, bakoitzak ahal daben dana.
Famili askotan ez dira loratsu, asko diralako arduratsu, baina badogu penak ahazteko beharra. Honegaitik sortu dagigun geure barruan batasun baten indarra.
Aprobetxa daigun, zuzen eta zentzuz jokatzen, bihotz zabala agertuz eta orduan bai lortuko dogula ZORIONEKO GABONA.
URTE BERRI ON danoi.