Teknologia albisteak

Zatoz Blogs&Bikes topaketara larunbat honetan

Mikel Lizarralde - Kisale

2011-11-22 : 10:11

Kisale interneteko bizikleta-dendan larunbat honetarako Blogs&Bikes topaketa antolatu dugu. Blogs&Beers edota Pintxos&Blogs ekimenetan inspiratzen da eta lehen saio honetarako lagunarteko mendi-bizikleta irteera antolatu dugu.

Zer da Blogs&Bikes bat?

Blogs&Beers ekimenetan inspiratuz sortzen dugu Blogs&Bikes, bizikleta munduko KDD-en estiloan, eta topaketa lehen honetan mendi-bizikletarekin goiz-pasa joango gara Elgoibartik Debara.

Etorkizunean era eta molde ezberdinetako topaketak antolatuko ditugu, baina goazen pixkanaka, lehenengotik hasita.

Lehen Blogs&Bikes topaketa

Noiz: azaroak 26, larunbata.
Ordutegia (gutxi gora-beherakoa):
- Irteera: 09:30
- Bukaera: 13:00
Irteera eta amaiera puntua: Mintxeta (Elgoibar - aparkaleku handia dauka)
Ibilbidea: Elgoibar - San Migel/Urkaregi - Arnoate - Olatz - Kalbario - Deba. 30 kilometro inguru. Debatik Elgoibarra errepidez (13 kilometro) edota trenez joan ahal izango da.