Teknologia albisteak
2

#AldaketaGlobala Euskal Herrian

Erabiltzailearen aurpegia
Txopi
2011-10-14 : 13:10

Orain arte euskaldunon artean oihartzun asko izan ez badu ere, munduko gero eta txoko gehiagotara heltzen ari den haserre-olatua gurera heldu da. Larunbat honetarako, Urriak 15, manifestazio eta antzeko ekitaldien deialdi mundiala dago eta Euskal Herriko sei hirietatik gertuen duzunera joateko aukera duzu.

  • Baiona, Askatasuna plazan 10:30etan
  • Donostia, Bulebarrean 18:00etan
  • Bilbo, Bihotz Sakratu plazan 18:30etan
  • Gasteiz, Prado parkean 19:00etan
  • Iruñea, Gaztelu plazan ekitaldi ugari
  • Tutera, Foruen plazan 14:00etan
Egun horretarako atera den webguneak oraintxe bertan dioenaren arabera, munduko 866 hiri desberdinetan batera burutuko dira manifestaldiak. 867, 868, ...

Manifestuak honela dio:

Urriak 15 - Aldaketa global batean batuak

Urriaren 15ean mundu osoko pertsonek kaleak eta plazak hartuko dituzte. Ameriketatik Asiara, Afrikatik Europara, jendea bere eskubideak aldarrikatzeko altxatzen ari da, benetako demokrazia bat eskatzeko. Orain guztiok batzeko garaia heldu da, mundu mailako eta bortizkeriarik gabeko protesta global batean.

Ezarritako botereek gutxi batzuen onurarako diardute, gehiengoaren nahiei entzungor eginez eta datozen ordain gizatiar eta ekologikoei jaramonik egin gabe. Egoera jasanezin honekin bukatu behar dugu.

Ahots bakarrean bilduta, politikoei jakinaraziko diegu, eta baita zerbitzatzen dituzten finantza-eliteei ere, orain gu garela, herria, gure etorkizuna erabakiko dugunak. Ez gara ordezkatzen ez gaituzten politikari eta bankarien merkantzia.

Urriaren 15ean kaleetan aurkituko gara bilatzen dugun aldaketa globala abian jartzeko. Hau lortu arte, era baketsuan manifestatuko gara, eztabaidatuko dugu eta antolatu egingo gara.

Gu batzeko ordua da. Entzun gaitzaten ordua da.

Urriaren 15ean munduko kaleak hartu ditzagun!

Bideo hauetan mugimenduaren arrazoi eta proposamen batzuk ezagutu ditzakezu. Zatoz!

Eta mugimendua ez da gelditzen: 16an Durangaldean truke merkatua, 21ean Barakaldon zine-foruma, eta abar. Euskaldunok mugimendu honetan gehiago parte hartu behar genukela uste duzu?

Erantzunak

Sustatu
2011-10-14 : 13:51

Twitterretik jakinarazi digute Gasteizkoa ez dela Prado parketik abiatuko, Konstituzio plazatik baizik.


Txopi
2011-10-15 : 16:48

Eskerrik asko zuzenketagatik.



Gaur Urriak 15 da eta 15october webgunean munduan zehar 1.039 ekitaldi iragartzen dira.

Erantzun

Twitter ikonoa  Facebook ikonoa  Sartu