Urriaren 17ko Konferentziara Ahern eta Blair etor litezke, baina ez Patxi Lopez
Datorren astelehenean, urriak 17, Nazioarteko Konferentzia izango da Donostian, "Euskal Herrian gatazkaren konponketa sustatzeko." Gaur aurkezpena izan da, baina larunbatean jakinaraziko omen da programa eta partaideen zerrenda. Horien artean, Bertie Ahern eta Tony Blair Irlanda eta Erresuma Batuko lehen ministro izandakoak egon daitezkeela iradoki du egunkari batek. Ez dena egongo, ordea, Patxi Lopez lehendakaria izango da. Ez omen dute gonbidatu, eta gainera Estatu Batuetarako bidaia dauka programatuta.
Konferentzia Donostiako Bakearen Etxean izango da, Aieteko jauregian, urriaren 17an, astelehenarekin. Antolatzaileak dira:
- Berghof Fundazioa.
- Conciliation Resources (Erresuma Batua)
- Desmond Tutu Bake Fundazioa
- NOREF (Norvegiako Bakegintzarako Baliabideen Zentroa)
- Harremanetarako Nazioarteko Taldea - Euskal Herria (Brian Currinek koordinatzen duen taldea)
- Lokarri
Gaur eman duten aurkezpenean. Jonathan Powell-ek, Erresuma Batuko Tony Balir lehen ministroaren kabineteko buru izandakoak hitz egin du. Azaldu du nazioarteko ahotsak ez direla etorriko zer egin behar den esatera, baizik eta bakoitzak bere herrialdean gatazka-konponbidea nola bideratu duen azaltzera. Gaur ez dute adierazi nor etorriko den, programa zehatza zein izango den. Larunbatean jakinaraziko omen da hori.
/cache/Udako-Ola-2024_1_small_content.jpeg)
Erantzun
Sartu