Bateragune epaia: 10 urte Otegiri eta Diezi
Atzo gauean hedabide batzuek aurreratutakoa konfirmatu da orain dela minutu gutxi: auzipetuek zigor gogorrak jaso dituzte. Hamarna urteko kartzela Otegi eta Diezi, eta zortzinakoa Zabaleta, Rodriguez eta Jacintori.
Atzo filtratutakoa bete da: Espainiako Auzitegi Nazionaleko laugarren aretoko epaileek fiskalak eskatutako kartzela zigorrak jarri dizkiete ezker abertzaleko kideei. ETAkoak izatea eta Batasunaren Mahai Nazional berria osatzea leporatu zaie. Talde bat osatu zuten bostek, epaileen arabera, eta Otegi eta Diez ziren buruak.
Arnaldo Otegiri eta Rafa Diez Usabiagari hamarna urteko zigorra jarri diete. Kargu publikoak izateko inhabilitazioa ere ezarri zaie, beste 10 urterako. Miren Zabaleta, Sonia Jacinto, eta Arkaitz Rodriguezi zortzina urteko zigorra jarri diete.
Txelui Moreno, Mañel Serra eta Amaia Esnal libre geratu dira (lehendik ere espetxetik kanpo zeuden).
Albistea hedabideetan:
Erantzunak
Behin-behineko askatasunean zegoen Rafa Diez Usabiaga sindikalista, baina gaur, Audientzia Nazionalean, epaia jakinarazi ondoren (10 urteko zigorra berari), bista egin da ea espetxeratuko zuten ala ez. Fiskaltzak eskatu du espetxeratzea, eta hala agindu du epaileak.
Audientzia Nazionaletik espetxera zuzenean eramango dute Rafa Diez.
Euskadi Irratiko Oihane Perezek tuit batean esan duenez, bost urte egin arte kartzelan egon beharko du espetxeratua Diezek. Urte erdi du egina orain artean.
Harritzen naute epai hau ezagutu eta gero Espainiako Erresumak gatazka nahiago duela esaten duten iritziek.
Ni ez nago ados. Espainiarrek bakea da nahi dutena, haien bakea, hau da; haien inposizio nazionala kolokan jartzen ez duen mugimendurik ezta gatazkarik ere izan ez daitezela. Hau horrela izaten da duela bat, hamar, ehun... urte.
Egunen batean, Espainia kudeatzen duten Gobernuek pentsatzen badute de faktu ENAM igaro dela uztai konstituzioanelatik amaituko dira kolpeak, jazarpena eta indarkeria. Eta badirudi oraingoz ez dutela balorazio hori egiten.
Kolpe hauek ez daude zuzenduta askapen borroka mota bat ala bestea bultzatzeko ala ahultzeko, baizik eta lortzeko abertzaleen bideak asimilazioa geltokia daukan trena izan dadila.
Duela 5, 10, 30, 100 urtetik bezala.