Teknologia albisteak
iPad eta musika-sorkuntza irakaskuntzan
Joxe Aranzabal
2011-08-31 : 10:08
iPad ez da izango PCaren ordezko, baizik eta beste irtenbide erabat bestelakoa, eta definituko du informatikaren hurrengo belaunaldia. Horrela mintzo da Jonny Evans kazetaria Computerworld aldizkarian. Hori hobeto ulertzeko, ikusi bideo hau. Bertan 24 ikasle agertzen dira Britainia Handiko musika-eskola batean, iPad bana dutela eta goi mailako grabazio original bat egiten.
Gitarrak lotuta daude tableta digitalei Apogee Jam aplikazioaren bidez. Danborrak eta ahotsak, berriz, grabatzen dituzte iRig Mic eta M-audio midi teklatuak erabilita. Neil Johnston irakaslea miretsita dago esperientziarekin, eta hauxe adierazi du horrren erakusgarri:
iPad erreminta ezinbestekoa da ikasgelarako, zeren aukera mugagabeak eskaintzen baititu bere aplikazioak hezkuntza curriculumean txertatzeko ( ) Gure kasuan, iPadek aukera ematen die ikasle guztiei buru-belarri sartzeko ikasketa eta aktuatze prozesuetan.
Erantzun
Sartu