Azkenean espainolek aldatuko dute euren Konstituzio Sakratua. Hilabete batean eta erreferendumik gabe. Biba zuek!
Gogoan duzue zelakoak botatzen zituzten Espainia aldean baten batek konstituzioa aldatzeko proposamenen bat egiten zuen bakoitzean? Gaia autodeterminazio eskubidea baldin bazen, kristorenak entzun behar zituen proposatzaileak. Baina beste gai batzuekin ere antzera jokatu izan dute politikari espainolek: senatuaren egitura aldatzeko, koroaren ondorengotzan matxismorik ez egoteko...
Konstituzioa demokrazia espainiarraren zutabe higiezina ei zen eta, aldatuz gero, naipe-baraja bezala jausiko zen sistema osoa. Konstituzioa aldatu? Inola ere ez!
Orain, nahikoa izan da Merkel, Sarkozy eta merkatuen ezinegona, gure konstituzio maitea aldatzeko, hilabete pare batean ziur aski, eta erreferendumik gabe seguru. Espainia ez da errepublika izango, baina bai bananeroa, alafede!
Baina nola nahi dute ni independentista ez izatea?
Bide batez: zuek horrelako artikulurik (defizita mugatzen duena bezalakorik) jarriko zenukete Euskal Herriko konstituzioan? Areago, uste duzue Euskal Herri independenteak konstituzioa beharko lukeela? Eta haritik tiraka, izatekotan, zein beste artikulu jarriko zenituzkete? Ea, Sustatuzale hori, zelakoa izango zen zure Konstituzioa?
Erantzunak
Nigatik konstituzio eredua ISLANDIAkoa litzateke, behetik gora egina, parte hartzailea eta diru botere hatzetatik kanpo. Badaramate hileak konstituzio bat on line egiten eta egia esan berri ahu gutxi agertzen da medioetan, baita nola atxilotu dituzten bankari batzuk, nola zorra gainetik kendu duten, nola berreraitzen ari diren liberalimoren atzaparretatik,...
Espainia badakigu errepublika bananera bat denez, halla cuidaos,... diru gero eta eskasago, esku gutxietan dago aberastasuna, langabezia non nahi eta Europako eskuin txarrena potere absolutua lortzeko gertu. Ia alde egiten dugun zeren pikutara goaz haiekin batera.
Horrela da. Espainiarrak haien eta gure joko zelaien jabe dira.
Eta, ondorioz, joko arauak haiek idazten dituzte; nahi dutenean betetzen dute, ala ez, eta nahi dutenean aldatzen dituzte, ala ez.
Eta epailea eta zaindarien jabeak ere direnez, ez dute arazorik haien joko zelaiaren batasun sakratuaren atea arriskutan ikusten duten bakoitzean txartela gorria ateratzeko baloiarekin hurbiltzen den aurrelariari; aldagelara ala ziegara bidaltzeko. Eta ikusle batzuk aurrelariarekin bat egiten badute hauek ere kalera, kutsatuta daudelako.
Baina guzti hau ez da batere berria Espainiako Erresumaren joko zelaian, ezta?
Azken galdera dagokionez..... nolakoa izango zen nire Konstituzioa? Beno, orain daukadana ez dago txarto, baina eskatzea librea denez; ondo legoke pitin bat atletikoagoa izatea, bizpahiru zm. altuago izatea, neurona batzuk gehiago ez daude inoiz soberan, eta beste batekin ohean nagoenean bat baino gehiago irautea jarraian, kar, kar, kar..... Fikzioa, bai, gure herrian gaur egun gure Konstituzioa edukitzea bezala.