Iritsi da kode irekiko tipografia, goi mailakoa
Nork esan zuen kode irekiko tipografia itsusia dela? Letratipo Mugikorren Ligak (jatorriz, The League of Moveable Type) erakusten du justu kontrakoa, badela munduan tipografia libre eta ederra aldi berean. Horren erakusgarri, ligaren webguneak ikusarazten dituen kode irekiko letratipo-familiak.
Argazkiak.org | Doako tipografia © cc-by-sa: huhezi
Txorrada gehiagorik ez. Egizu bat iraultzarekin. Halaxe dio Letratipo Mugikorren Ligaren manifestuak. Aspertuta gaude aspaldiko letratipo gogaikarriekin. Muga gehiagorik ez webean. Garaia da kalitate maila igotzeko. Webgune honetan bakarrik aurkituko dituzu hobetoen egindako letratipoak, kode ireki eta doakoak, gertu webean erabiltzeko. Webguneaz gain, Letratipo Mugikorren Ligak blog bat ere badauka, The Typelog, eta bertan azaltzen ditu proiektu tipografikoak.
Iraultza guztietan bezala, mugimendu honek aurreratu egin nahi du tipografia, baina laguntza behar du horretarako. Nahi baduzu bertan parte hartu, jarri harremanetan eta egizu bat berorrekin.
Googlek ere erabilera libreko tipografia eskaintza zabala egiten du, weberako bereziki:
http://www.google.com/webfonts#ChoosePlace:select