Donostia, 2016ko Europako Kultur Hiriburu
Prozesu luze baten ondoren, Donostiak lortu du Europako Kultur Hiriburu izatea 2016an. Saiakera gogorra egin du Donostiak eta azken faseraino iritsi ondoren, eta lortu ere lortu du.
Gaur arratsaldean egin dute izendapena: Donostia izango da Europako Kultur Hiriburu 2016an.
Izendapena egiteko azken fase honetan 6 hiri zeuden, aurreko fase batean beste 15 hautagaiekin lehiatu ondoren. Lehen fase hartan zegoen baita ere Iruñea, baina bidean geratu zen.
Prozesu hartan, lehenengo pausua izan zen espainiar Estatuko hiri bat izatea hiriburu. Bigarrenean, hainbat hiriren selekzioa egin zuten, eta hirugarren pausua izan da hiri horietako bat aukeratzea.
Gaulhofer epaimahaiburuak azpimarratu duenez, Donostiak kultura erabili du indarkeria egoerei aurre egiteko.
Juan Karlos Izagirre Donostiako alkate berriak eman ditu eskerrak, izendapenaren ondoren.
Europan badaude beste hizkuntza minorizatuak, eta horiekin bat egin nahi dugu.
Horrez gain, Izagirrek azpimarratu du ideologia politiko ezberdineko ordezkariek bat egin dutela. Odon Elorza ere aipatu du (taldearekin batera igo da eszenatokira), eta lan egin duten teknikariek izenak ere zerrendatu ditu Izagirrek.
Albisteak:
Programa
Sansebastian2016.eu webgunetik pdf-an deskargatu dugu kultur programa, eta hona ekarri dugu Scribd bitartez:
Erantzunak
Ba beste hedabide batzuetan ez dakit, baina Sustatun behintzat hurrengoan zeuk idatzi eta horrela agertuko da.
Bai, badakit nola bidaltzen diren albisteak Sustatura, bidali ditut albisteak behin baino gehiagotan.
Baina horrek ez dauka zerikusirik nik esan dudanarekin. Sustaturen donostiarzentrismoari buruz ari nintzen ni, izan ere Sustatuk "ofizioz" albiste bat idatzi du Donostiak irabazi duen sari honen inguruan (bidez batez, zorionak!), baina baita bat baino gehiago ere.
Gasteizek duela urtebete horren pareko sari bat irabazi zuen eta ez zuen Sustatun aipamenik izan. Horregatik nioen donostiarzentrismoarena.
Assarrek zelabait arrazoia deuko, Euskal Herria askorentzat Gipuzkoa eta Bizkaia besterik ez da. Nafarroaz batzuk gogoratzen dira eta beste batzuk baztertzen dabe EHtik kanpo dagoelakoan. Ipar EH batzuk aipatzen dabe. Baina kuriosoa da Araba zelan ahazten dan jente larregi.
Zorionez, goiko bideoan Gasteiz ez ezik beste euskal uri batzuk be erakusten dituzte, saria Donostirako lehenik eta behin baina EH osorako be badala erakutsiz. Zorionak Donostia!
Donostiarzentrismoa Sustatun eta euskal hedabideetan oro har. Gasteizek horren antzeko sari bat irabazi zuen duela urtebete eta euskal hedabideetan (ia) inork ez zion kasurik egin.
European Green Capital