Odon Elorza, Facebook-en jo ta sua

Bitxia da, bai, Facebook bidez, eta ez beste inon, ari dela Odon Elorza Bildu-ren alkatetza posiblearen bere kanpainarekin. Han utzitako mezuetan (Blackberry bitartez, normalean, eta azenturik gabe), adierazi du azkenengo hau ere: Bilduko alkategaiaren asmoa, Abiadura Handiko Trenaren geltokiaren planak geraraztea, ez dela demokratikoa.

Me parecen graves las intenciones de Bildu de parar, retrasar y tensionar proyectos decisivos para la ciudad. Decir que van a parar la entrada del AVE en San Sebastian, tras la historia de atentados que arrastra el AVE y la Y vasca me parece provocador y demostrativo de un modelo de ciudad y de comportamiento politico nada democratico y perjudicial para el desarrollo de la economia local.

Nola ETAren atentatuak jasan dituen azpiegitura horrek, proiektuaren alde egotea derrigorra da nonbait, ez dago beste aukera demokratikorik.

Ondo Elorzak emandako hitza, zerrenda bozkatuena errespetatuko zuela, jan egin duela ere Facebook-en iragarri zuen asteartean. Kontua ondo deskribatu du Joxe Aranzabalek deskribatu du (beste batzuek bezala), bere blogean, Faroan. Haren lizentziari (CC-by-sa) kasu eginda, hona ekarri dugu:

Tu quoque, Odon?

Donostiako alkate hogei urtez izanda, eta sinistuta berriro irabaziko zituela joan den igandeko hauteskundeak —beste askok ere horixe uste genuen—, Odon Elorza eskuzabal agertu zen donostiarren artean. Halaxe idatzi zuen bere blogean, fair play dotoreaz:

• Respeto a la lista mas votada por la ciudadanía, de manera que ya anuncio que no pactaré con nadie para quitar la Alcaldía al candidato-a de dicha lista. Solo aspiraré a la Alcaldía si somos la lista mas votada. Dudo que otros puedan decir lo mismo.

Atzo, berriz, eta behin hasierako ezustekoa igarota, ez zigun esan, bada, ezetz, goiko hori adierazi zuenean ez zela ari Bilduri buruz, artean Bildu legeztatu barik baitzegoen, eta orain ahaleginak eta bost egingo dituela Bilduri alkatetza kentzeko, oso kezkatuta dagoelako Donostiaren etorkizunaz?

Twitter-en haserre galanta eta katxondeo latza eragin du Donostiako azken alkatearen txiribueltak. Ez da gutxiagorako. Nik, egia esan, ez nuen espero horrelako itsusikeria bere partetik. Hala ere, egia baldin bada EAJk esan duena, uste dut bere zoria erabakita dagoela. Alea jacta est.

Jatorrizkoa: Creative Commons Aitortu © cc-by: Joxe Aranzabal, Faroa

****

Facebook-eko mezu horietan, dena den, bera alkate ez dela izango ere iradoki zuen atzo.

Vale pero te parece responsable aceptar sin mas y con un calculo de castigo electoral a Bildu que la ciudad pierda 4 años ? Y te lo digo sin ningun interes personal y oculto tras el razonamiento. Porque desde el domingo no aspiro ni pretendo ser de nuevo Alcalde. He perdido y ya he hecho por la ciudad todo lo que podia y debia con la ayuda inestimable de un cuerpo tecnico y politico fantastico

Zer izango da hau? Elorzaren erreakzioei adi egoteko, adi Facebooki.

Donostiako Udalaren osaketa berria:

• Bildu 8,
• PSE 7,
• PP 6,
• EAJ 6,