Teknofiloen albistegia
1

IKT dirulaguntzetarako deialdiak Jaurlaritzak eta Gipuzkoako Foru Aldundiak

Erabiltzailearen aurpegia
Sustatu
2011-05-18 : 13:05

Eusko Jaurlaritzak eta Gipuzkoako Foru Aldundiak IKT dirulaguntzetarako deialdiak egin dituzte. HPSren aurrekontuetan sartutako diru kantitateak %3ko jeitsiera izan du, eta zenbait arau berri sartu dituzte: aurreko urteetan diruz lagundutako egitasmoei, berrikuntzekin bakarrik lagunduko zaie; eta erredakzio-lanak zein eskatzaileen jardun orokorreko gastuak ez dira kontuan hartuko.

Jaurlaritzaren laguntzak

Jaurlaritzaren laguntzak

Hizkuntza Politikarako Sailburuordetzak (HPS) bi multzotan banatu ditu dirulaguntzak:

  • Euskarazko atari eta web guneak edo Interneterako euskarazko eduki berriak: 876.000 euro.
  • Sftwarea euskaraz sortzea edo eta euskarara lokalizatzea: 700.000 euro.

Guztira 1.576.000 euro beraz. IKT alorrean 1.626.000 euro izan ziren iaz, aurtengo jeitsiera, hortaz, 50.000 eurokoa izan da.

Diru kantitateak behera nabarmenegi egin ez badu ere, aldaketa handiak datoz aurtengo deialdiarekin, dirulaguntzen planteamenduari dagokionez. 6., 7. eta 8. artikuluetatik honako puntu hauek nabarmendu ditugu:

  • Aurreko urteetan diruz lagundutako egitasmoen kasuan, berrikuntzak baino ez dira diruz lagunduko.
  • Ez dira diruz lagunduko testu-­eduki periodistiekoei dagozkien erredakzio-­lanak.
  • Ez dira gastutzat hartuko laguntza-­deialdira aurkeztutako egitasmoaren gauzatzeari egozgarri ez zaizkion entitate eskatzailearen jardun orokorreko gastuak (langileria, gastu arrunta, e.a.).
  • HPSk gehienez ere proiektuaren %60a ordaindu dezake, eta lagundutako kantitatea izango da gutxienez 500 euro eta gehienez ere 40.000.
  • Entitate bakar batek ezingo ditu 6 proiektu baino gehiago aurkeztu, eta guztira ezingo ditu 120.000 euro baino gehiago jaso.

Dirulaguntzaren esleipenerako balorazio irizpideak 12. artikuluan jaso dituzte; puntu kopuru bera jarri dute -Euskarazko atariak edo webguneak atalean eta Interneterako euskarazko eduki berriak* atalean:

  • Finantzaketa propioa: 20 puntu.
  • Eguneratze plangintza eta eguneratzeko proposamenaren zehaztasun-­ eta egokitasun m­aila: 20 puntu.
  • Bisita kopurua: 10 puntu.
  • Jasotzailearen izaera: 15 puntu.
  • Kalitatea: edukiak, diseinua, berrikuntza edota antzekoekiko balio erantsia, eta ezaugarri teknikoak (erabilitako teknologia, eskainitako zerbitzuak eta web 2.0 teknologia): 35 puntu.

Agindua apirilaren 20koa da baina maiatzaren 11an ireki zen eskaerak egiteko epea. Ekainaren 10a izango da horretarako azken eguna.

Gipuzkoako Foru Aldundiaren laguntzak

Maiatzaren 10ean zekarren Gipuzkoa 2.0 programaren dirulaguntzen gaineko informazioa Gipuzkoako Aldizkari Ofizialak, Jaurlaritzaren epe berarekin doaz: ekainaren 10a.

Erantzunak

frantxis lopez landatxe
2011-05-18 : 16:53

Gipuzkoako Foru Aldundiaren laguntzak izeneko atalean agertzen diren diru laguntzen kopuruak proiektu bakoitzari gehienez eman dakiokeenak dira eta ez deialdietan banatzeko dagoen diru kopuru osoa:

Hauetxek dira:

Edukiekiko eta edukien arteko elkarreragintza eta sarbidea errazten duten tresna teknologikoak garatzeko diru laguntzen deialdian 103.466 €

IKTak erabiliaz, edukiak euskara hutsean hedatzeko enpresentzako diru laguntzen deialdian 138.134 €

IKTak erabiliaz, kultur esparruko edukien hedapen proiektuetarako diru laguntzen deialdian 202.000 €

Hiru deialdi hauei monografiak argitaratzeko dagoena gehitzen baldin badugu Gipuzkoa 2.0 deialdi guztietan banatzeko diru kopurua 507.600 Euroetakoa da.

Erantzun

Twitter ikonoa  Facebook ikonoa  Sartu